عندك عزومة ومحتارة زي تعالي بسرررعة

[رباب]

عندك عزومه طب تعالى شوفى هتعملى ايه
رمضان جاى صح
طب حالو ياحالو
اممممممممممم
بجد بقى .....طيب
رمضان جاى والعزومات كتير اه اوباااااااااااااااااا طب ياترى هعمل اكل ايه؟؟؟؟؟
ايه رأيك محاشى اممممممممممم عملتها السنه اللى فاتت لهم
هو انا كل سنه هأكلهم محاشى
كلنا او معظمنا كده بيبقى عندنا عزومات كتير ومحتارين نعمل اكل ايه
صح طب ايه رأيكوا كلنا نفيد بعض ونحط اكلات للعزومات
وانا اول واحده علشان تبقى اسهل حاجه
نعمل محاشى محشى بدنجان ومعاه ورق عنب ومعاه كرنب مثلا ومعاه فراخ ولحمه
الصراحه ممكن تكون عزومه هبله والفكره مش متظبطه ولااية؟؟؟
عاوزين خبراء المطبخ يقولولنا على اكلات للعزومات زى العسل زيهم
علشان تكون مرجع لاى حد محتار
بس اللى يقول يقول عزومه على بعضها مش اكله والسلام
لحسن ازعل
يالا بقى افتحوا نفسنا لعزومات رمضان
شجعونا ياماميهات عايزين اطباق لعزومة كاملة

[Saly]

باذن الله انا اول واحده هشارك معاك رباب
والفكره جميله جدا جدا
وباذن الله هفكر فى الاكلات وكل يوم نفيد بعض

والموضوع تم تثبيته عشان الكل يفيد ويستفيد

[رباب]

المشاركة الأصلية كتبت بواسطة saly

باذن الله انا اول واحده هشارك معاك رباب
والفكره جميله جدا جدا
وباذن الله هفكر فى الاكلات وكل يوم نفيد بعض

والموضوع تم تثبيته عشان الكل يفيد ويستفيد

حبيبتي ياسوسو انت جميلة وشكرا لتشجيعك وطبعا بتقولي رباب جاءت لها صحوة مفاجئةههههههه بس بجد انا ببحث عما يفيد منتدانا الجميل والاهم يخلي في تفاعل ومشاركات لاني حاسة بكسل الماميهات اجازة بقي هههههههه

[دودي]

لي عوده


ههههههههههههههههه

[Saly]

فين افكار الماميهات للعزومات وخاصة احنا داخلين على رمضان يالا عايزين تفاعل

[ام شهد]

لو يلزمكم اكلات مجنونه وشهيه فنحن هنا

[حياتي لاولادي]

انا عزماكم علي:image0 83:


صينية مكرونة فرن + جلاش بيزا + فيليه او بفتيك والحلو طبعا قمر الدين وكنافة

[رباب]

يعني ام شهد دي عزومة مراكبية احنا عايزين نشوف شطارتك ذي حياتي لاولادي يلا كل الماميهات فين شطارتكم بجد رمضان علي الباب
سامعين وحوي ياوحوي هههههههه

[دودي]

انا عزماكو على/

محشي كوسسسسه

كفته بالطاجين مع صلصه طماطم حراقه

ارز مفلفل

شوربه عدس يمي يمي

سلاطه روسيه بالجزر والبطاطا والبازيلا والمايونيز

سلاطه مشويه

والحلو

كنافه بالقشطه

[Saly]

ايوه كده برافو عليكم يااحلى امهات ربنا يبارك فيكم جميعا
عايزين نشوف شطارة الماميهات يالا محتاجين افكار اكتر